Қазақстанда тағы 4 ауыл карантинге жабылды

Коронавирус жұқтырғандар саны көбеюіне байланысты СҚО-да төрт ауыл карантинге жабылды, - деп хабарлайды Tengrinews.kz тілшісі.

Қазақстанның санитарлық-эпидемиологиялық бақылау комитеті бұл шаралар облысты коронавирус бойынша "қызыл" аймақтан шығару үшін қабылданғанын айтты.

Комитет мәліметінше, Есіл ауданында 7 желтоқсаннан бастап Явленка ауылы, ал 3 желтоқсаннан бастап Ясновка ауылы қайтадан карантинге жабылды. Жұмабаев атындағы ауданда коронавирусқа байланысты Таман және Успенка ауылдарында да шектеу шаралары енгізілгені айтылады.

Ведомство мәліметіне сүйенсек, пандемия басталғалы СҚО-дағы 5 аудандағы 11 елді мекен жабылған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!