Қазақстандағы оқушылардың күзгі каникулы: күнтізбе

Tengrinews.kz мектеп оқушылары мен ата-аналарға күзгі каникул күнтізбесін дайындады.

Бірінші тоқсан сегіз оқу аптасына созылады. Күзгі демалыс жеті күн - 2024 жылдың 28 қазанынан 3 қарашаға дейін. Іс жүзінде балалар 25 қазаннан бастап демалады, өйткені 25 қазанда Қазақстанда Республика күні атап өтіледі, ал 26-27 сенбі-жексенбіге түседі. Жалпы, мектеп оқушыларының демалысы 10 күнге созылады.

Екінші тоқсан сегіз оқу аптасына созылады. 2024 жылдың 30 желтоқсанынан бастап 2025 жылдың 8 қаңтарын қоса алғанда, қысқы каникул 10 күн болады.

Бірінші сыныптарда 2025 жылғы 3-9 ақпанда (қоса алғанда) жеті күнге созылатын қосымша демалыс болады.

Үшінші тоқсан, ең ұзақ тоқсан - 10 оқу аптасы, көктемгі каникул 11 күнге, 2025 жылдың 21-31 наурызына дейін (қоса алғанда) жалғасады.

Төртінші тоқсан – сегіз оқу аптасы.

Жоспар бойынша 9-10 сынып оқушыларына арналған қорытынды емтихандар 29 мамыр мен 9 маусым аралығында, 11-12 сынып оқушыларына арналған емтихандар 30 мамыр мен 12 маусым аралығында өтеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!