+7 (777) 001 44 99
Қазақша
Русский
English
03 шілде 2024 | 11:04
Қазақстандағы тасжолды қалпына келтіруге миллиард доллардан аса қаржы қажет
"ҚазАвтоЖол" көлік қатынасын тұрақты жақсарту жобасының шығындарын жабу үшін Дүниежүзілік банктен қаржыландыруға өтінім берді және қаражаттың бір бөлігін Қарағанды-Жезқазған тасжолын қайта жаңарту және күтіп ұстау жөніндегі келісімшартты төлеуге жұмсамақ, - деп хабарлайды Tengrinews.kz тілшісі.
ПОДЕЛИТЬСЯ
"ҚазАвтоЖол" көлік қатынасын тұрақты жақсарту жобасының шығындарын жабу үшін Дүниежүзілік банктен қаржыландыруға өтінім берді және қаражаттың бір бөлігін Қарағанды-Жезқазған тасжолын қайта жаңарту және күтіп ұстау жөніндегі келісімшартты төлеуге жұмсамақ, - деп хабарлайды Tengrinews.kz тілшісі.
Бұл келісімшарт Азия инфрақұрылымдық инвестициялар банкімен бірлесіп қаржыландырылады.
Ұлттық компания Қарағанды және Ұлытау облыстары аумағындағы Қарағанды-Жезқазған тасжолының жеті лотында мердігерлерді алдын ала іріктеуді жоспарлап отыр.
"Жұмыстарға жер жұмыстары, көпір салу, бетон төсеу және жолды абаттандыру кіреді. Ұсыныс беру туралы өтініш 3 айдан кейін жіберіледі деп күтіледі. Алдын ала біліктілік инвестициялық жобаларды: тауарларды, жұмыстарды, консультациялық емес және консультациялық қызметтерді қаржыландыруда қарыз алушылар үшін Дүниежүзілік банктің сатып алу қағидаларында көрсетілгендей рәсімдерді пайдалана отырып жүргізіледі. Біліктілікке дейінгі өтінімдер нақты белгіленген конверттерде ұсынылуы және төменде көрсетілген мекенжайға 2024 жылдың 9 тамызында сағат 15.00-ге дейін жеткізілуі керек. Кешіктірілген өтінімдер қабылданбайды", - деп жазады ведомство өзінің ресми сайтында.
Дүниежүзілік банктің ақпараты бойынша, жобаның мақсаты - Орта дәліздің Жезқазған – Қарағанды учаскесінде жыл бойы жол қатынасын қамтамасыз ету және ұлттық көлік жүйелерін жетілдіру арқылы Қазақстандағы көлік тұрақтылығын арттыру.
Алдын ала мәліметтер бойынша, міндеттемелер сомасы Еуропа және Орталық Азия банктерінен 1 миллиард 300 миллион АҚШ доллары болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
