+7 (777) 001 44 99
Қазақша
Русский
English
01 тамыз 2024 11:50
Қазақстандық балық контрабандасы үшін айыпталды
Алматы облысы Қонаев сотында аса ірі көлемдегі балық өнімі "көксерке филесі" контрабандасы бойынша іс жүргізу аяқталды, - деп хабарлайды Tengrinews.kz тілшісі.
ПОДЕЛИТЬСЯ
Алматы облысы Қонаев сотында аса ірі көлемдегі балық өнімі "көксерке филесі" контрабандасы бойынша іс жүргізу аяқталды, - деп хабарлайды Tengrinews.kz тілшісі.
Мемлекеттік айыптаушылар 2021 жылдың қазаны мен 2022 жылдың қыркүйегі аралығында компания басшысы азамат И. браконьерден заңсыз ауланған балықты сатып алып, Еуропалық Одақтың әр түрлі елдеріне экспорттағанын дәлелдеді.
"Экспортқа рұқсат алу үшін жасанды көксерке өсіруге мүмкіндігі жоқ шаруа қожалығында балықтың шығу тегі туралы жалған құжаттар пайдаланды.
Заңсыз экспортталған балық өнімдерінің жалпы құны 210 миллионнан астам теңге болды", - делінген хабарламада.
26 шілдеде сот үкімі бойынша азамат И. ҚК-нің 234-бабының 2-бөлігінің 4-тармағымен кінәлі деп танылып, 210 миллион теңге кедендік төлемдерді мемлекет кірісіне өндіре отырып, оған бір мың айлық есептік көрсеткіш мөлшерінде айыппұл жазасы тағайындалды.
Үкім заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
