Қазақстандық бітімгерлер Украинаға жіберіле ме? Вице-министр жауабы

Қорғаныс вице-министрі Сұлтан Камалетдинов Украинаға Қазақстаннан бітімгерлер жіберіле ме деген сұраққа жауап берді, - деп хабарлайды Tengrinews.kz тілшісі.

Мәжіліс кулуарында журналистер Қазақстан Ресей Федерациясына Украинамен шекаралас аймаққа бітімгерлер жіберуді жоспарлап отыр ма деген сұрақ қойды.

"Мұндай тәуекелдер жоқ. Себебі бұл мемлекеттің ерікті қатысуына байланысты. Бұл біріншіден. Екіншіден, әскери контингенттің мемлекеттен тыс кез келген бағытын Парламент мақұлдайды. Егер Парламент мақұлдаса, онда әрине... Парламентке жауап бере алмаймыз, біз Қорғаныс министрлігіне жауап береміз", - деп түсіндірді Камалетдинов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!