Қазақстандық түлек әлемнің 86 университетінен шақырту алды

Түркістан облысы Арыс қаласындағы Абай атындағы Білім-Инновация лицей-интернатының түлегі, 18 жастағы Айсұлтан Алтынбек таңғаларлық нәтиже көрсетті, оны әлемнің 9 елінен 86 жоғары оқу орны шақырды, - деп хабарлайды Tengrinews.kz тілшісі.

"Лицейіміздің мақтанышы Алтынбек Айсұлтан әлемнің 9 еліндегі 86 университеттен шақырту алды. Олардың ішінде ең беделді 10 халықаралық университет бар", - деп жазылған хабарламада.

Айсұлтан шақырту алған үздік университеттер қатарында мына ЖОО-лар бар:

• Budapest University of Technology and Economics
• Eötvös Loránd University
• University of East London
• Albion College
• Hampshire College
• Drexel University
• DePaul University
• CU Boulder (University of Colorado Boulder)
• Drake University
• Temple University

"Бұл оқу орындары - жаһандық рейтингтерде жоғары орын алатын, ғылым, технология, бизнес және әлеуметтік ғылымдар саласында жетекші университеттер. Айсұлтанның жалпы иеленген гранты - $4 614 000. Бұл - үлкен еңбек пен мақсатқа деген адалдықтың нәтижесі", - деп жазылған хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!