Қазақстандық үш боксшы жол апатынан қаза тапты

Атырау облысы құрамасының мүшелері Еламан Рахметолла, Нұркен Нұрымов және Сұңқар Тельманов жол апатынан қаза тапты, - деп хабарлайды Vesti.kz.

"Атырау боксында орны толмас, ауыр қаза. Үш бірдей болашағынан үміт күттірер жас боксшыларымыз, облыс құрамасының мүшелері Еламан Рахметолла, Нұркен Нұрымов және Сұңқар Тельманов жол апатына ұшырап, мезгілсіз қаза болды.

Атырау бокс федерациясы марқұмдардың туыстарының қайғысына ортақтасып, көңіл айтады", - делінген Қазақстан бокс федерациясының хабарламасында.

Рахметолла, Нұрымов және Тельманов 2000 жылы дүниеге келгендігі белгілі. Жол-көлік оқиғасының мән-жайы әзірге белгісіз.

Қазақстан жаңалықтары. Соңғы жаңалықтар. Telegram желісінде бізге жазыл!