Қазақстанның 11 қаласында ауаның ластану деңгейі жоғары болатыны ескертілді

18 қыркүйекте Қазақстанның 11 қаласында қолайсыз ауа райы күтіледі, - деп хабарлайды Tengrinews.kz тілшісі.

Синоптиктер болжамынша, сейсенбіде Ақтөбе, Алматы, Астана, Павлодар, Қарағанды, Теміртау, Риддер, Семей, Өскемен қалаларында, түнде Атырау мен Петропавлда қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді.

Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.

Сілтемесіз жаңалық оқисыз ба? Онда Telegram желісінде парақшамызға тіркеліңіз!