+7 (777) 001 44 99
Қазақша
Русский
English
01 ақпан 2021 | 13:31
Қазақстанның әуе қорғанысы заманауи зениттік зымыран кешенімен толықты
Еліміздің әуе шептерін қорғау үшін Қазақстанның әуе шабуылына қарсы қорғаныс әскерлеріне алғаш рет жаңа заманауи көпфункционалды "БУК-М2Э" зениттік зымыран кешені келді, - деп хабарлайды Tengrinews.kz тілшісі Қорғаныс министрлігінің баспасөз қызметіне сілтеме жасап.
ПОДЕЛИТЬСЯ
Еліміздің әуе шептерін қорғау үшін Қазақстанның әуе шабуылына қарсы қорғаныс әскерлеріне алғаш рет жаңа заманауи көпфункционалды "БУК-М2Э" зениттік зымыран кешені келді, - деп хабарлайды Tengrinews.kz тілшісі Қорғаныс министрлігінің баспасөз қызметіне сілтеме жасап.
Жаңа заманауи көпфункционалды "БУК-М2Э" өз класындағы ең тиімді зениттік зымыран кешені өкілдердің бірі саналатыны хабарланды.
"БУК-М2Э" ЗРК - жоғары мобильді заманауи зениттік зымыран кешені ұшу аппараттарын 99 пайызға дейін зақымдай алатын зымырандармен жабдықталған.
Кешен құрамына: жарықтандыру және бағыттау радиолокаторы, нысандарды анықтау станциясы, командалық пункт және іске қосу-зарядтау қондырғылары, сондай-ақ жауынгерлік тапсырмаларды орындауға арналған жөндеу шеберханалары мен арнайы зертханалар кіреді. Өздігінен жүретін зениттік зымыран кешені шынжыр табанды жүріспен орындалған. Кешеннің басты артықшылығы оның қозғалыстағы әуе нысаналары бойынша зымырандарды ұшыруға мүмкіндік беретін мобильдігі мен жоғары өтімділігі саналады.
"БУК-М2Э" көпфункционалды зениттік зымыран кешені "Алмаз-Антей" ШҚО концерні" АҚ-да жасалған. Қазіргі уақытта зауыт мамандары кешенді тапсыру және оны Қазақстанның ӘШҚҚ әскерлеріне жеткізу бойынша жұмыстарды жүзеге асырып жатыр.
"БУК-М2Э" орта қашықтықтағы әуе шабуылына қарсы қорғаныс құралдары арасында өз класындағы ең жақсы қару деп атауға болады. Алынған кешен әуе кеңістігін және жауапкершілік аймағындағы маңызды объектілерді қорғау үшін әскерлердің жауынгерлік мүмкіндігін едәуір арттырады. Сынақтардан кейін ол елдің әуе шабуылына қарсы қорғаныс жүйесіне енгізіледі", - деп атап өтті ҚР ҚК ӘҚК бас қолбасшысы авиация генерал-лейтенанты Нұрлан Орманбетов.
Суреттер: Қорғаныс министрлігінің баспасөз қызметінен
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
