Қазақстанның қай өңірінде насыбайға әуестер көп?

Денсаулық сақтау министрлігі насыбай қолданатын қазақстандықтар туралы мәлімет ұсынды, - деп хабарлайды Tengrinews.kz тілшісі.

Денсаулық сақтау министрлігі Tengrinews.kz редакциясының ресми сауалына берген жауабында шекпейтін темекі өнімдерін, оның ішінде насыбайды 15 жастан асқан 179 мың адам пайдаланғанын хабарлады. Оны тұтынушылардың көпшілігі ер адамдар деп күтіледі – 168,5 мың адам.

Аймақтар бойынша насыбайға әуестердің ең көп саны Ақтөбе және Түркістан облыстарында.

Насыбай – Орталық Азия үшін дәстүрлі темекі өнімінің түрі. Оның негізгі ингредиенттері - темекі мен сілті.

Ішкі істер министрлігі Tengrinews.kz редакциясының ресми сауалына жауап бере отырып, темекі мен темекі өнімдерін, оның ішінде қыздырылатын темекі өнімдердін, кальянға арналған темекіні, кальян қоспасын, темекіні қыздыру жүйелерін, электрон тұтыну жүйелері мен олардың сұйықтықтарын 21 жасқа толмаған тұлғаларға сату 15-тен 200 айлық есептік көрсеткішке дейін (2024 жылы 55 380 теңгеден 738 400 теңгеге дейін) айыппұл түріндегі әкімшілік жауапкершілікті қарастыратынын жеткізді.

"Ішкі істер министрлігі сауда саласындағы реттеуші орган болып табылмайтынын түсіндіреміз, сондықтан уәкілетті органға сұрау салуды ұсынамыз. Халық арасында насыбайды қолдану және тарату бойынша статистикалық мәліметтер жоқ", - делінген ведомство хабарламасында.

Сілтемесіз жаңалық оқисыз ба? Онда Telegram желісінде парақшамызға тіркеліңіз!