Қазақстанның шығысында шекарашы ескерту жасағаны үшін аяусыз соққыға жығылған

Абай облысында Шекара қызметінің қызметкеріне жасалған шабуыл туралы істі кассациялық сот қайта қарады, деп хабарлайды Tengrinews.kz.

Істің мән-жайы

Оқиға 2023 жылғы 1 қыркүйекте болған. Қызмет өткеру барысында шекара басқармасының қызметкері Д. жүк көлігінің жүргізушісі К.-нің әкімшілік құқық бұзушылық жасағанын анықтап, оған ескерту жасаған.

"Алайда сол түні К. мен А. мас күйде Д.-ның үйіне әдейі барған. Оны көшеге шығарып алып, өмірлік маңызы бар мүшелеріне соққы жасаған, ол қашуға тырысқанда соңынан қуып, күш көрсетуді тоқтатпаған", - деп хабарлады кассациялық соттың баспасөз қызметі.

Соның салдарынан зардап шегушінің иегі мен мұрны сынып, ол стационарда емделіп, ота жасалды.

Соттың ұстанымы

Кассациялық сот рақымшылықты ескере отырып, Қылмыстық кодекстің 380-бабы 6-бөлігі бойынша 8 жыл 4 айға бас бостандығынан айырылған ер адамдардың әрекетіне берілген саралауды дұрыс деп таныды. Сот қылмыстың кездейсоқ болмағанын атап өтті. Шабуылдаушылар кек алу мақсатында жәбірленушінің үйіне әдейі барған, бұл оларда қылмыстық ниеттің болғанын растайды.

Сондай-ақ зорлық-зомбылықтың қауіптілігі тек оның салдарымен ғана емес, сонымен қатар әрекеттердің сипатымен де анықталатыны атап өтілді. Өмірлік маңызы бар мүшелерге соққы жасау және жәбірленушіні қуу оның өміріне нақты қауіп төнгенін айғақтайды.

Қорытындылай келе, сот алқасы тағайындалған жазаны лайықты деп танып, оны өзгеріссіз қалдырды.