+7 (777) 001 44 99
Қазақша
Русский
English
05 маусым 2020 | 20:06
Қазақстанның тағы бір қаласында карантин күшейеді
Оралда жаңа шектеу шаралары енгізілді, - деп хабарлайды Tengrinews.kz тілшісі. Бұл туралы Батыс Қазақстан облысының бас мемлекеттік санитар дәрігері Мұхамғали Арыспаев мәлім етті.
ПОДЕЛИТЬСЯ
Оралда жаңа шектеу шаралары енгізілді, - деп хабарлайды Tengrinews.kz тілшісі. Бұл туралы Батыс Қазақстан облысының бас мемлекеттік санитар дәрігері Мұхамғали Арыспаев мәлім етті.
Брифинг барысында ол аймақта коронавирус инфекциясын жұқтырғандармен байланыста болғандар жиі тіркелетінін атап өтті.
"Карантиндік шектеу шаралары туралы қаулыға өзгерістер енгізілді. Отбасылық іс-шараларды өткізуге тыйым салынады. Рұқсат етілген қызмет түрлерінің тізіміне енбеген салалардың барлық ұйымдары мен кәсіпорындары карантин уақытында әдеттегі жұмыс режимін тоқтата тұруы тиіс, олар қашықтан, онлайн режимде жұмыс істей алады. Қоғамдық көлік үшін барлық санитарлық талаптарды сақтай отырып, сағат 6-дан 12-ге дейін және сағат 17-ден 21-ге дейін жұмыс режимі орнатылды. Базарларға дүйсенбіден бейсенбіге дейін 9-дан 13-ке дейін, жұма-жексенбі күндері 10-нан 16-ға дейін жұмыс істеуге рұқсат етілді. Мейрамханалар мен барларға кальян қолдануға тыйым салынады", - деді Мұхамғали Арыспаев.
БҚО мемлекеттік бас санитар дәрігері тұрғындарды адам көп жиналатын орындарға барудан бас тартып, әлеуметтік қашықтықты сақтауға шақырды. Шектеу 6 маусымнан бастап карантин аяқталғанға дейін қолданылады. Ол БҚО-да 15 маусымға дейін жарияланды.
Айта кетейік, 4 маусымда Оралда карантин шараларын сақтамағандықтан мәдениет және демалыс саябағы, бір кафе, екі сауда үйі жабылды және үш қалалық автобус маршруттарының қозғалысы тоқтатылды.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
