+7 (777) 001 44 99
Қазақша
Русский
English
30 қыркүйек 2021 | 18:09
Қазанда ауа райы қандай болады?
"Қазгидромет" РМК синоптиктері қазанға арналған ауа райы болжамын ұсынды, - деп хабарлайды Tengrinews.kz тілшісі.
ПОДЕЛИТЬСЯ
"Қазгидромет" РМК синоптиктері қазанға арналған ауа райы болжамын ұсынды, - деп хабарлайды Tengrinews.kz тілшісі.
Қазанда орташа ауа температурасы елдің көп бөлігінде қалыпты болады деп күтіледі. Маңғыстау, Атырау, Қызылорда, Батыс Қазақстан, Ақтөбе облыстарының басым бөлігінде, Түркістан облысының батыс жартысында, Қарағанды облысының оңтүстік-батысында, Қостанай облысының оңтүстігінде ауа температурасы нормадан 1 градусқа жоғары болады.
"Республиканың басым бөлігінде жауын-шашын мөлшері нормаға жуық болады деп болжанған. Жауын-шашын Маңғыстау, Қызылорда облыстарында, Атырау, Ақтөбе, Түркістан, Жамбыл, Алматы облыстарының басым бөлігінде, Қостанай облысының оңтүстік жартысында, Қарағанды облысының батысы мен оңтүстігінде, Шығыс Қазақстан облысының оңтүстік-батысында нормадан аз болады", - деді "Қазгидромет" РМК қызметкерлері.
Болжамға сәйкес, Ресейдің Еуропалық аумағы арқылы өтетін Скандинавия мен Баренц теңізі аудандарынан суық антициклон қазанның басында республиканың батыс жартысында ауа райын қалыптастырады.
"Қазақстанның солтүстігінде, шығысында, оңтүстік-шығысында және орталығында, керісінше, батыс және оңтүстік циклондардың жырасынан және белсенді фронталь бөліктердің өтуіне байланысты жауын-шашын (жаңбыр, қар, тұман және көктайғақ құбылыстары, солтүстікте желдің күшеюі, төмен бұрқасын) болжанады, Қазақстанның таулы аудандарында қатты жауын-шашын болуы мүмкін", - деп түсіндірді метеорологиялық қызмет өкілдері.
Синоптиктер мәліметінше, айдың бірінші онкүндігінде солтүстік-батыс антициклонның батыс өңірлерге өтуі әсерінен ауа температурасы түнде 1-3 градусқа дейін, күндіз +10+15 градусқа дейін төмендейді.
Елдің оңтүстік және оңтүстік-шығысында бірінші онкүндіктің ортасында түнде 1-3 градусқа дейін, күндіз +5+13 градусқа дейін суытады.
Қазанның екінші және үшінші онкүндіктерінде жекелеген күндері жылудың қысқа мерзімді толқыны күтіледі, күндіз ауа +13+18 градусқа дейін, республиканың оңтүстік-батысында, оңтүстігінде, оңтүстік-шығысында +19+25 градусқа дейін жылынады.
Қазақстанның солтүстік жартысында ауа температурасы түнде-4-10 градусқа дейін, күндіз -2+3 градусқа дейін, оңтүстік жартысында - түнде -5+5 градусқа дейін, күндіз +7+12 градусқа дейін төмендеуі болжанған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
