Қазгидромет Астана, Алматы және тағы 9 қаланың тұрғындарына ескерту жасады

Қазгидромет Астана, Алматы және Қазақстанның тағы тоғыз қаласының тұрғындарына қолайсыз ауа райы күтілетінін ескертті, - деп хабарлайды Tengrinews.kz тілшісі.

"2025 жылғы 27 қаңтарда Алматы, Астана, Қызылорда, Ақтөбе, Атырау, Өскемен, Теміртау, Балқаш, Қарағанды, Жезқазған, Қостанай қалаларында қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді", - делінген хабарламада.

Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.

Сілтемесіз жаңалық оқисыз ба? Онда Telegram желісінде парақшамызға тіркеліңіз!