Қазгидромет Астана мен Алматы тұрғындарына ескерту жасады

Қазгидромет Астана, Алматы және еліміздің әртүрлі өңіріндегі басқа да қалалардың тұрғындарына ескерту жасады, - деп хабарлайды Tengrinews.kz тілшісі.

"25 ақпанда Өскемен, Семей, Риддер, Алматы, Қарағанды, Теміртау, Астана қалаларында қолайсыз метеорологиялық жағдайға байланысты ауа ластанады", - деп жазылған хабарламада.

Қолайсыз метеорологиялық жағдай - ауаның беткі қабатында зиян заттар шоғырлануына ықпал ететін қысқа мерзімді метеофакторлар (тымық ауа райы, жел, тұман) жиынтығы.

Еске салайық, бұған дейін Қазгидромет ақпанның аяғына арналған ауа райы болжамын жариялады.

Алдағы күндері оңтүстік циклон елдің басым бөлігіндегі ауа райына ықпал етеді. Жаңбыр мен қар түрінде жауын-шашын жауады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!