Қазгидромет Астана мен Алматы тұрғындарына ескерту жасады

Қазгидромет Алматы және тағы бірнеше қаланың тұрғындарына ескерту жасады, - деп хабарлайды Tengrinews.kz тілшісі.

"14 мамырда Алматы, Астана, Жезқазған, Балқаш қалаларында қолайсыз метеорологиялық жағдайға байланысты ауа ластанады", - деп жазылған хабарламада.

Қолайсыз метеорологиялық жағдай - ауаның беткі қабатында зиян заттар шоғырлануына ықпал ететін қысқа мерзімді метеофакторлар (тымық ауа райы, жел, тұман) жиынтығы.

Еске салайық, бұған дейін Қазгидромет 13, 14, 15 мамырға арналған ауа райы болжамын жариялады.

Иран аумағынан жылы ауа массалары ығысып, Қазақстанның оңтүстік және орталық өңірлерінде жауын-шашынсыз ыстық ауа райы болады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!