Қазгидромет бірқатар қаланың тұрғындарына ескерту жасады

Қазгидромет Астана, Алматы және тағы 5 қаланың тұрғындарына ескерту жасады, - деп хабарлайды Tengrinews.kz тілшісі.

"19 қазанда Павлодар, Өскемен, Семей, Алматы, Астана қалаларында, түнде Петропавл мен Қостанайда қолайсыз метеорологиялық жағдай күтіледі", - деп жазылған хабарламада.

Қолайсыз метеожағдайлар - ауаның беткі қабатында зиян заттардың жиналуына ықпал ететін қысқа мерзімді метеорологиялық факторлардың (жел, тұман) жиынтығы.

Синоптиктер 19 қазанға арналған ауа райы болжамын да жариялады.

"Қазақстанның басым бөлігінде антициклон әсерінен жауын-шашын жаумайды. Алайда атмосфералық фронтальды бөлімдер әсерінен республиканың батысында, оңтүстік-батысында, шығысында жаңбыр, елдің шығысында аралас жауын-шашын (жаңбыр, қар) жауады, батыста қатты жаңбыр, оңтүстік-батыста найзағай күтіледі. Түнде және таңертең тұман түсіп, батыста, оңтүстік-шығыста жел күшейеді деп күтіліп отыр", - дейді метеорологтар.

Сілтемесіз жаңалық оқисыз ба? Онда Telegram желісінде парақшамызға тіркеліңіз!