"ҚазМұнайГаз" өкілі шенеуніктердің балаларына қатысты сұраққа жауап берді

"ҚазМұнайГаз" ҰҚ АҚ Адам ресурстарын басқару жөніндегі басқарушы директоры Дәулетжан Хасанов ұлттық компанияда жұмыс істеп жатқан туысқан шенеуніктерге қатысты пікір білдірді, - деп хабарлайды Tengrinews.kz тілшісі.

"ҚазМұнайГаз"-да қызметкерлердің басым бөлігі бір-біріне туыс болып келетін шенеуніктер, депутаттар және олардың балалары екені құпия емес. Қызметкерлер санын қысқарту кезінде олардың тегі ескеріле ме?", - деп сұрақ қойды журналистер Нұр-Сұлтанда өткен брифингте.

"Негізі бұл мәлімет дұрыс емес, мен компанияда қызметкерлердің көбі жоғары лауазымды шенеуніктердің тегімен жүргендер дегенді растамаймын", - деді Хасанов.

Оның айтуынша, штат санын қысқарту кезінде қызметкерлердің тегі ескерілмейді.

Еске салайық, мұның алдында "ҚазМұнайГаз" қызметкерлер санын қысқартатыны хабарланған еді.

Қазақстан жаңалықтары. Соңғы жаңалықтар. Telegram желісінде бізге жазыл!