Қазнетте Нұр-Сұлтандағы кептеліс туралы "халық" әні тарап жатыр

Әлеуметтік желілерде Нұр-Сұлтан жолдарындағы көлік кептелісі туралы ән тарап жатыр. Автор оны халық әні стилінде орындаған, - деп хабарлайды Tengrinews.kz тілшісі.

Роликтің авторы - актер, "Спарта" КВН командасының капитаны Данияр Жұмаділов. Ол бұл видеоның бір апта бұрын Нұр-Сұлтанның сол жағалауындағы кеңселердің бірінен түсірілгенін айтады. Ролик кейін желіде тарап, қызу талқыланды. 

"Мынау не деген "пробка" (кептеліс - авт.)?", - деп әндетеді автор мақамын халық әндерінің стиліне салып. 

"Қайталап тыңдай беремін", "Бұл шедевр" - дейді желі қолданушылары. 

Желідегілер әртістің қалжыңын бағалап, қаладағы кептелістер мәселесін қолдаған. Көп қолданушы видео пікіріне күліп тұрған смайлдар қалдырған. 

Қазақстан жаңалықтары. Соңғы жаңалықтар. Telegram желісінде бізге жазыл!