"Қазпоштаның" бұрынғы басшысы жаңа қызметке тағайындалды

Серік Саудабаев "Энергоинформ" АҚ-ны басқарды. Бұл туралы "Самұрық-Қазына" қорының баспасөз қызметі мәлімдеді, - деп хабарлайды Tengrinews.kz тілшісі.

""Энергоинформ»" АҚ басқарма төрағасы болып бұған дейін "Қазпошта" АҚ басқарма төрағасы қызметін атқарған Саудабаев Серік Болатұлы тағайындалды", - делінген хабарламада.

"Энергоинформ" - "KEGOC" АҚ-ның еншілес ұйымы. Қазақстанның ұлттық энергетикалық жүйесіне қатысушылардың ақпараттық-телекоммуникациялық кешендерінің жұмысын және дамуын қамтамасыз етеді.

Серік Саудабаев 2021 жылдың қыркүйегінен 2022 жылдың қазанына дейін "Қазпошта" басшысы қызметін атқарған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!