"Кекшіл" депутаттар Әділет министрімен жарты жыл бойы амандаспай қояды

ҚР Әділет министрі Берік Имашев кәсіби саладағы келіспеушіліктерге байланысты кейбір депутаттардың өзімен жарты жылға дейін амандаспай қоятынын айтты, - деп хабарлайды Tengrinews.kz тілшісі.

Ведомствоның кеңейтілген отырысына Парламенттің қос палатасының да өкілдері қатысты. Мәжіліс депутаты Азат Перуашев сөз сөйлегеннен кейін министр: "Ақ жол" фракциясына алғыс айтқым келеді, ведомствоаралық комиссияда заң жобасы қызметін талқылаған кезде теріс баға алса, сіздің фракция оны жеке қарым-қатынас деңгейіне жеткізбейді", - деді. 

"Кейбір депутаттар бар, біз қорытынды шығарған кезде оны жеке қарым-қатынастарға ауыстырып, амандаспай қояды, арасында менімен 20 жылдан бері дос болып жүргендер де бар. Байқағаным, шамамен жарты жылдан кейін қайтып сөйлесе бастайды", - деді Имашев. 

Министр депутаттардың шенеуніктерден "кек алатынын" айтты. "Бір жағынан біз сіздердің ведомствоаралық комиссиядағы ұстанымымыз үшін жалпы отырыста оған қатты сөз қайтаратындарыңызды түсінеміз. Бірақ екінші жағынан заң шығару процесі -шығармашылық, ол жерде эмоцияның да болатыны да белгілі", - деді ол.