Келімбетов отставкасы туралы қаңқу әңгіме жайында: Бұрынғыдай жұмыс істеп жатырмын

Ұлттық банк басшысы Қайрат Келімбетов отставкаға кеткені туралы қаңқу әңгімеге бұрынғыдай жұмыс істеп жатқанын айтып, жауап берді, - деп хабарлайды Tengrinews.kz тілшісі.

"Жұмыс істеп жүрмін. Қаңқу әңгімелерге пікір қалдырмаймын", - деп мәлімдеді ол Парламент кулуарында жалпы отырыстан кейін.

Еске сала кетейік, бұған дейін ақпарат құралдарында Келімбетовтің қызметінен кететіні туралы ақпарат дереккөздеріне сілтеме жасап таралды. Бірақ бұл ақпаратты Ұлттық банк жоққа шығарды. Ақпарат құралдарының кейбірі Ұлттық банктің төрағасы Болат Жәмішев болуы мүмкін деп хабарлады.