+7 (777) 001 44 99
Қазақша
Русский
English
16 қазан 2024 | 13:46
Кейбір қазақстандықтарға ай сайынғы несие төлемі екі есе азаяды
Бүгін Мәжілісте Қаржы нарығын реттеу және дамыту агенттігінің (ҚНРДА) төрағасы Мәдина Әбілқасымова қаржы қызметтерін тұтынушылардың құқықтарын қорғауды одан әрі күшейту жөніндегі шараларды ұсынды, - деп хабарлайды Tengrinews.kz тілшісі.
ПОДЕЛИТЬСЯ
Бүгін Мәжілісте Қаржы нарығын реттеу және дамыту агенттігінің (ҚНРДА) төрағасы Мәдина Әбілқасымова қаржы қызметтерін тұтынушылардың құқықтарын қорғауды одан әрі күшейту жөніндегі шараларды ұсынды, - деп хабарлайды Tengrinews.kz тілшісі.
Әбілқасымованың айтуынша, мүгедек адамдардың және халықтың әлеуметтік осал топтарынан шыққан азаматтардың құқығын қорғауға ерекше көңіл бөлінеді. Атап айтқанда, заңнамалық деңгейде қаржы ұйымдарының биылғы 1 шілдесінен бастап енгізілген ұлттық стандартты ескере отырып, мүмкіндіктері шектеулі адамдарға қызмет көрсету міндеті енгізіледі.
"Қаржы ұйымдары да мүмкіндігі шектеулі тұлғалармен жұмыс істеудің ішкі тәртібін бекітуге міндетті болады. Олар қаржы ұйымдарында қызмет алған кезде сенім білдірілген адамды тағайындай алады", - деді Мәжілістің жалпы отырысында ҚНРДА төрағасы.
Бұдан басқа, мерзімі өткен кредиттер бойынша берешекті реттеу кезінде халықтың әлеуметтік осал топтарынан, сондай-ақ төтенше жағдай енгізу нәтижесінде зардап шеккендерден азаматтарды қорғаудың қосымша шаралары көзделген.
"Азаматтардың осы санаттары үшін қарыздар мен микрокредиттер бойынша кемінде үш ай мерзімге міндетті түрде кейінге қалдыру, сондай-ақ ай сайынғы төлемді 50 және одан да көп пайызға төмендету көзделеді", - деп толықтырды ҚНРДА басшысы.
Қарыз алушылардың (жеке тұлғалардың) құқықтарын қорғау үшін банктік қарыздарды мерзімінен бұрын өтегені үшін тұрақсыздық айыбы алынбайды. Азаматтардың микрокредиттері бойынша микрокредитті қайтармағаны үшін тұрақсыздық айыбын қоспағанда, кез келген тұрақсыздық айыбын өндіріп алуға тыйым салынады.
Сондай-ақ, сақтандыру сыйлықақысы мөлшерінің 10 пайызы шегінде банктік қарыз немесе микрокредит алу үшін жасалатын сақтандыру шарттары бойынша сақтандыру агентінің комиссиялық сыйақысының шекті мөлшері белгіленеді.
Заң жобасы бүгін бірінші оқылымда қаралып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
