+7 (777) 001 44 99
Қазақша
Русский
English
26 ақпан 2021 | 16:04
Қоластындағылардың жемқорлығы үшін қанша шенеунік қызметінен кетті?
Сыбайлас жемқорлыққа қарсы қызмет қоластындағылардың жемқорлығы үшін отставкаға кеткен шенеуніктер туралы айтты, - деп хабарлайды Tengrinews.kz тілшісі.
ПОДЕЛИТЬСЯ
Сыбайлас жемқорлыққа қарсы қызмет қоластындағылардың жемқорлығы үшін отставкаға кеткен шенеуніктер туралы айтты, - деп хабарлайды Tengrinews.kz тілшісі.
"Саяси жетекшілердің отставкасына қатысты. Заңнама нормасы енгізілген сәттен бастап жеті шенеунік қызметінен босатылды, 10 әкім түрлі тәртіптік жауапқа тартылды.
Соңғы істердің ішінде - Ақмола облысы Аршалы ауданының әкімі өз орынбасарына қатысты сот үкімін күтпей, қызметінен кетті. 12 ақпанда бұл отставка қабылданды", - деді Агенттіктің аса маңызды істер жөніндегі тергеушісі Динияр Биғайдаров брифингте.
Сондай-ақ, ол тәртіптік жауапқа тартылған басшылар туралы айтты.
"Қоластындағылар жемқорлық жасағаны үшін және оның алдын алу бойынша нашар жұмыс істегені үшін 54 басшы тәртіптік жауапқа тартылды. Оның 48-і - әкімшілік қызметкер, алтауы - квазимемлекеттік сектордың топ-менеджері. Олардың 13-і қызметінен айырылды", - деді Биғайдаров.
Жалпы, оның айтуынша, қазіргі уақытта 71 басшы бақылауда, оның ішінде 15 саяси мемлекеттік қызметкер, 47 әкімшілік және 9 квазимемлекеттік сектор субъектілерінің топ-менеджері бар.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
