+7 (777) 001 44 99
Қазақша
Русский
English
31 шілде 2019 | 16:29
Көлгінов құрылыс компаниясының басшылығына ескерту жасады
Қала басшысы үлестік құрылыс нысандарын аралады, - деп хабарлайды Тengrinews.kz тілшісі елордалық әкімдік баспасөз қызметіне сілтеме жасап.
ПОДЕЛИТЬСЯ
Қала басшысы үлестік құрылыс нысандарын аралады, - деп хабарлайды Тengrinews.kz тілшісі елордалық әкімдік баспасөз қызметіне сілтеме жасап.
Кешкі аралау уақытында бірінші боп барған жері - "Жеті жол" КТК болды. Аталған үйдің құрылысы сонау 2013 жылы басталған, 2015 жылы нысан проблемалы деп танылған. Үлескерлердің саны - 600 адамға жуық.
Алтай Көлгінов құрылыс қарқыны көрінбейтінін атап өтті.
"3 апта бұрын кездестік. Құрылыс баяу жүріп жатыр. Маған жұмыс қарқыны ұнамайды. Бастағаннан кейін аяқтау керек. Егер сіз де осындай ұстанымды ұстансаңыз, сіздің алдыңғы құрылыс салушыдан еш айырмашылығыңыз болмайды ғой. Біз сізге жобалау жұмыстары бойынша көмектесіп, барлық мәселелерді зерделеп отырмыз. Тездету керек, құрылыс маусымы аяқталып қалды", - деді қала әкімі.
Қайта аралаған екінші объект - ЖК "Комфорт" ТК болды. Бұл нысан 2015 жылы проблемалы боп танылған. Үлескерлердің саны - 227 адам.
Құрылыс салушы аталған нысанда жұмыс жүргізіліп жатқанын, жұмысшылардың екінші ауысымы туралы мәселе қаралып жатқанын атап өтті. Қазіргі кезде олар инженерлік желілер жобасын күтуде.
"Бұл қарқынды тоқтатпаңыз. Қысқа мерзімде нәтиже көрсеттіңіз, жұмыс жүргізілгені байқалады. Инженерлік желілердің жобасын алғаннан кейін, абаттандыру мәселелері бойынша жұмысты бастау керек", - деп атап өтті Көлгінов.
Показать комментарии
Читайте также
