Көліктегі ІІД WhatsApp мессенджерінен бас тартты

Көліктегі ІІД Мемлекеттік құрылымдарда смартфондар қолдануға тыйым салынуына байланысты WhatsApp кең танымал коммуникация құралын қолданудан бас тартуды шешті, - деп хабарлайды Tengrinews.kz тілшісі Көліктегі ІІД баспасөз қызметіне сілтеме жасап. 

"Мемлекеттік органдар құрылымдарының ғимараттарында смартфондар қолдануға тыйым салынуына байланысты ҚР ІІМ Көліктегі ІІД - WhatsApp мессенджерінің 87762008587 номері 2016 жылғы 22 шілдеден бастап құқық бұзушылықтар туралы хабарламаларды қабылдауды тоқтатты", - делінген хабарламада. 

Осыған байланысты Көліктегі ІІД азаматтардың ұсыныстары мен шағымдарын Көліктегі ІІД бастығының блогына жолдаулды сұрап отыр екен. Сондай-ақ, Көліктегі ІІД-де Facebook, Twitter, ВКонтакте аккаунттары және "Мой мир" әлеуметтік желісі жұмыс істейтіндігін еске салып отыр. "Біз барлық хабарламаларды нақты уақыт режимінде қабылдаймыз", - делінген хабарламада.

Еске салайық, елімізде мемлекеттік қызметкерлерге смартфонды қолдануға тыйым биыл 1 сәуірден бастап салынған болатын. Ал 24 наурыздан бастап Парламент Мәжілісінде ұялы құрылғыларды қолдануға тыйым салынған еді.