Коммуналдық қызметтер Алматыдан 1100 КамАЗ қар шығарды

Соңғы екі күнде Алматыда жауған қардың қалыңдығы 35 сантиметр болды, ал таулы аудандарда 50 сантиметрге жетті. Қар түскен кезеңде қалалық коммуналдық қызметтер 5 мың құм-хлорид қоспасын және 36 тонна тұзды пайдаланды. Алматыдағы қарды тазалауға мың жұмысшы мен 500 дана техника жұмылдырылды. Сағат 11.30 жағдайында қарды полигондарға тасу бойынша жұмыстар жалғасып жатыр. "Қазгидромет" республикалық мемлекеттік кәсіпорнының болжамы бойынша, алдағы күндерде тағы қар жауады.   

Қалалық ІІД баспасөз хатшысы Салтанат Әзірбектің мәліметінше, соңғы тәулікте қалада 10 жол-көлік оқиғасы болған. Онда 7 адам зардап шекті. Полицияның мәліметі бойынша, жол апаттарының көбі жеңіл-желпі жол-көлік оқиғалары. Осыған дейін Алматыда наурыздың соңында жауған қардың биіктігі қыстағыдан асып түскендігі хабарланған болатын.