+7 (777) 001 44 99
Қазақша
Русский
English
19 шілде 2023 | 09:40
Қорғаныс министрлігі 2 триллион теңгеге Otokar техникасын сатып алу туралы ақпаратқа жауап берді
Қорғаныс министрлігі түркиялық Otokar компаниясымен 2 триллион теңгеге бронтранспортерлер сатып алу туралы келісім жасалғаны туралы ақпаратқа қатысты пікір білдірді, - деп хабарлайды Tengrinews.kz тілшісі.
ПОДЕЛИТЬСЯ
Қорғаныс министрлігі түркиялық Otokar компаниясымен 2 триллион теңгеге бронтранспортерлер сатып алу туралы келісім жасалғаны туралы ақпаратқа қатысты пікір білдірді, - деп хабарлайды Tengrinews.kz тілшісі.
"Қазақстан Республикасы Қорғаныс министрлігі мен түріктің "Otokar" компаниясы арасында 2 триллион теңгеге жуық сомаға бронтехниканы сатып алуға келісім жасалғаны туралы әлеуметтік желіде таратылып жатқан ақпарат шындыққа сәйкес келмейді.
Бүгінде түрік тарапымен бронтехниканы жеткізу бойынша ешқандай келісім жоқ. "Otokar" компаниясы бронтехника өндірушілерінің бірі ғана болып табылады, оның үлгілері қызметке қабылдау ережелерінде бекітілген рәсімге сәйкес жалпы негізде қаралады", - делінген хабарламада.
Бұл туралы Қорғаныс министрлігі бұған дейін де хабарлағаны айтылды. Бұл ретте техниканың басқа да шетелдік үлгілері қарастырылады.
"Қазіргі уақытта аталған компанияның 8х8 бронтехникасының үлгісі отандық бронтехниканың үлгісімен қатар тәжірибелік сынақтардан өтіп жатыр. Олардың нәтижелері бойынша техникалық талаптарға сай техниканың үлгісі айқындалатын болады.
Естеріңізге сала кетейік, Қорғаныс министрлігі өз құзыреті шеңберінде мемлекеттің қорғаныс қабілетіне жауап береді және қару-жарақ пен әскери техниканың әртүрлі үлгілеріне қажеттілікке ие болып табылады. Бұл ретте қорғаныс ведомствосы үшін үлгілерді таңдау кезінде отандық және халықаралық сарапшылар мойындаған өнімнің сапасы басымдық болып табылады. Сондықтан, әлеуметтік желілерде таралатын әртүрлі жалған ақпараттарға сүйенбей, тек тексерілген, ресми ақпарат көздеріне сенуді сұраймыз", - деді ҚМ өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
