Көрмелер мен форумдар мәселені шешпейді - Тоқаев туризмнің дамуы туралы

Көрмелер мен форумдар Қазақстандағы туризм мәселесін шешпейді деп мәлімдеді Сенат спикері Қасым-Жомарт Тоқаев, - деп хабарлайды Tengrinews.kz тілшісі. 

"Туризмді экономиканың табысты секторына айналдыру үшін инфрақұрылымды дамыту бойынша кешенді, мағыналы жұмыстар жүргізу керек. Бұған шетелден көптеген мысал келтіруге болады. Көрме, форум, буклеттер шешім емес", - деді сенатор Twitter әлеуметтік желісіндегі парақшасында.

Нұрсұлтан Назарбаев халыққа Жолдауында көліктік-логистикалық және басқа да қызмет салаларын дамыту жұмыстарын күшейтуді тапсырған.

"Табиғи және мәдени әлеуетімізді пайдалану үшін кірмелік және ішкі туризмді дамытуға ерекше назар аудару қажет. Үкімет қысқа мерзім ішінде салалық мемлекеттік бағдарламалар қабылдауы керек", - деді Мемлекет басшысы.