"Коронавирус жұқтырған". Бұрынғы қорғаныс министрінің орынбасары қайтыс болды

Алматыда бұрынғы қорғаныс министрінің орынбасары, отставкадағы генерал-майор Әмірбек Төгісов қайтыс болды. Ақпаратты "Генералдар кеңесі" президиумі төрағасының орынбасары Махмут Телеғұсов растады - деп хабарлайды Tengrinews.kz тілшісі.

"Ол бүгін таңда қалалық №12 ауруханада қайтыс болды", - деді Телеғұсов. 

Оның айтуынша, генерал-майор Төгісов коронавирус жұқтырған. 

Жерлеу рәсімі 15 шілдеде өтеді. Генерал-майор Кенсай зиратына жерленеді. 

Әмірбек Төгісов 90-жылдары Ішкі әскер қолбасшысының орынбасары, қорғаныс министрінің орынбасары қызметтерін атқарған. 2000 жылы зейнетке шыққан. 

Қазақстан жаңалықтары. Соңғы жаңалықтар. Telegram желісінде бізге жазыл!