Коронавирус пен пневмониядан тағы 10 адам қайтыс болды

Қазақстанда бір тәулікте коронавирус пен пневмониядан 10 адам қайтыс болды, - деп хабарлайды Tengrinews.kz тілшісі.

2 қаңтардағы мәлімет бойынша, 22 511 адам короновирус инфекциясынан (10 312 КВИ+ және 12 199 КВИ-) емделіп жатыр, олардың ішінде 4 846 пациент стационарда, 17 665 адам амбулаториялық деңгейде ем қабылдап жатыр. Өткен тәулікте 8 адам көз жұмды. 

КВИ+, КВИ- шалдыққандардың арасында:
• 262 адамның жағдайы ауыр;
• 55 пациенттің жағдайы өте ауыр;
• 50 науқас ӨЖЖ аппаратында жатыр.

Ал COVID-19 белгілері бар пневмония бойынша, 2020 жылғы 31 желтоқсандағы мәлімет бойынша 99 жағдай тіркеліп, 2 жағдай өліммен аяқталған. 68 адам жазылып шыққан.

2020 жылдың 1 тамызынан бері науқастар саны - 45 939, өлім жағдайлары - 505, барлығы 33 235 адам сауығып шықты.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!