Коронавирусқа қатысты комиссияны басқа адам басқарады - Сапарбаев

Жамбыл облысына жаңадан тағайындалған облысы әкімі Бердібек Сапарбаев жаңа қызметіне байланысты пікір білдірді, - деп хабарлайды Tengrinews.kz тілшісі.

"Мемлекет басшысының тапсырмасымен мен Жамбыл облысы Қордай ауданындағы оқиғаларға байланысты құрылған комиссияны басқарамын. Ары қарайда осы бағытта жұмыс істейтін боламын", - деді облыс әкімі үкімет кулуарында журналистердің сұрағына жауап беру кезінде. 

Оның айтуынша, коронавирустың таралмауын қадағалайтын үкіметтік комиссияны басқа бір үкімет мүшесі басқарады екен. 

"Мемлекет басшысы осындай шешім қабылдады (әкім етіп тағайындады - түсіндірме), мен оның тапсырмасын орындауым қажет. Бұрын министр едім, енді әкім болдым. Мемлекет басшысының тапсырмасын тезірек орындау - басты мақсат", - деді Бердібек Сапарбаев.