Коронавирусқа ПТР анықтамасы жоқ шетелдіктер Қазақстанға кіргізілмейді

Шетелдіктер Қазақстанға коронавирусты анықтайтын ПТР-сіз кіре алмайды. Бұл туралы көліктегі бас мемлекеттік санитар дәрігер Сәдуақас Байғабылов мәлімдеді, - деп хабарлайды Tengrinews.kz тілшісі.

"Биыл 6 қазаннан бастап әуе рейстерімен келетін шетелдік азаматтар ПТР әдісімен COVID-19-ға тесілеуден өткені туралы анықтамасыз Қазақстанға кіргізілмейді. Анықтама мерзімі мемлекеттік шекараны кесіп өту сәтінде 72 сағаттан аспауы тиіс", - деп хабарлады Байғабылов. 

Ал халықаралық рейстермен келген қазақстандықтарда осындай мерзіммен анықтама болмаған жағдайда ПТР әдісімен COVID-19-ға зертханалық тексеру үшін екі тәулікке карантиндік стационарға оқшауланады.

Ол бұл талаптар әуе қатынасы ашылған барлық елге қолданылатынын түсіндірді.

"Осындай шектеу талаптары Қазақстанға мемлекеттік шекарадағы теміржол, теңіз, өзен көлігі және автоөтпе жолдардағы өткізу пункттері арқылы келетін адамдарға да қатысты қолданылады", - деп атап өтті көліктегі бас санитар дәрігер.

Қазақстан жаңалықтары. Соңғы жаңалықтар. Telegram желісінде бізге жазыл!