Коронавирустан қайтыс болған әйелмен байланыста болған 6 алматылық карантинге жатқызылды

Алматыда коронавирустан қайтыс болған әйелмен байланыста болған алты адам оқшауланды, - деп хабарлайды Tengrinews.kz тілшісі.

Бұл туралы қоғамдық денсаулық сақтау басқармасының басшысы Тілеухан Әбілдаев айтты.

"Коронавирустан қайтыс болған әйелмен байланыста болған адамдар туралы хабар басқа өңірден келді. Қазіргі уақытта ол әйелмен байланыста болған алты адам анықталды, олардың барлығы оқшауланып, ауруханаға жатқызылды", - деді Әбілдаев онлайн брифинг барысында.

Еске салайық, кеше Қазақстанда коронавирустан 64 жастағы әйелдің қайтыс болғаны хабарланған болатын. Кейінірек оның Алматыға құдалыққа барғаны анықталған еді.

Қазақстан жаңалықтары. Соңғы жаңалықтар. Telegram желісінде бізге жазыл!