Қостанай облысы Шекара қызметі департаментінің бастығы қайтыс болды

Қостанай облысы бойынша Шекара қызметі департаментінің бастығы полковник Жұмахметов Арман қайтыс болды, - деп хабарлайды Tengrinews.kz тілшісі Қазақстан ҰҚК баспасөз қызметіне сілтеме жасап.

"Ұлттық қауіпсіздік комитеті мен Шекара қызметінің басшылығы, сондай-ақ "Застава тарландары" республикалық қоғамдық бірлестігі Шекара қызметі Қостанай облысы бойынша департаментінің бастығы полковник Арман Орақұлы Жұмахметовтің қазасына байланысты туыстары мен жақындарына қайғырып көңіл айтады", - делінген хабарламада.

Полковник Арман Жұмахметов 1995 жылы Қазақстан ҰҚК Әскери институтын аяқтап, шекара заставасы бастығының орынбасарынан бастап Шекара қызметі Қостанай облысы бойынша департаментінің бастығына дейінгі лауазымдарда қызмет атқарған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!