+7 (777) 001 44 99
Қазақша
Русский
English
12 қараша 2020 | 08:43
Қостанай облысында карантин күшейтілді
Қостанай облысының бас санитар дәрігері Владимир Нечитайло тағы бір қаулыға қол қойды. Құжат 11 қарашада күшіне енді, - деп хабарлайды Tengrinews.kz тілшісі.
ПОДЕЛИТЬСЯ
Қостанай облысының бас санитар дәрігері Владимир Нечитайло тағы бір қаулыға қол қойды. Құжат 11 қарашада күшіне енді, - деп хабарлайды Tengrinews.kz тілшісі.
Қаулыға сәйкес, енді аймақта такси сағат 22.00-ден 06.00-ге дейін жүре алмайды. Жүргізушілер мен жолаушылар міндетті түрде маска тағуы керек.
Шаштараз, спа-орталығы, сұлулық салоны, косметикалық қызмет көрсететін орталықтар мен салондар, маникюр және педикюр қызметі, массаж салоны, тұз шахталары алдын ала жазылу арқылы, бір келушіге төрт шаршы метр орын дайындап, сағат 08.00-ден 19.00-ге дейін жұмыс істейді. Жексенбі күні бұл қызметтер жұмысты тоқтатады.
Азық-түлік дүкендерінің, оның ішінде минимаркет, супермаркет, гипермаркеттердің жұмыс кестесі сағат 08.00-ден 21.00-ге дейін болады, ал дәріханалар шектеусіз жұмыс істейді.
Қаулының толық мәтіні облыстық санитарлық-эпидемиологиялық бақылау департаментінің сайтында жарияланды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
