+7 (777) 001 44 99
Қазақша
Русский
English
16 шілде 2023 | 13:27
Қостанай облысында ірі көлемде есірткі сатқан тұрғын ұсталды
Қостанай облысында полиция қызметкерлері есірткі сатушыны ұстап, одан 100 миллион теңгеден аса сомаға синтетика партиясын тәркіледі, - деп хабарлайды Tengrinews.kz тілшісі Polisia.kz-ке сілтеме жасап.
ПОДЕЛИТЬСЯ
Қостанай облысында полиция қызметкерлері есірткі сатушыны ұстап, одан 100 миллион теңгеден аса сомаға синтетика партиясын тәркіледі, - деп хабарлайды Tengrinews.kz тілшісі Polisia.kz-ке сілтеме жасап.
Қостанай облысы ПД есірткі қылмысына қарсы күрес басқармасының қызметкерлері Тобылда "Қарасора - 2023" жедел алдын-алу шарасы шеңберінде күдіктіні ұстау операциясын жүргізді.
"Жедел-іздестіру іс-шараларын жүргізу барысында Тобылда полиция қызметкерлері тінту кезінде 3 келіден аса синтетикалық есірткіні сақтаған күдіктіні ұстады. Бұдан басқа, 2 мыңнан аса оралған синтетика тәркіленді, бұл аса ірі көлем", - деп Қостанай облысы ПД есірткі қылмысына қарсы іс-қимыл басқармасының бастығы Нұржан Ахметов облыстың 31 жастағы тұрғынын ұстау жөніндегі операцияның мән-жайын айтты.
Мұндай партияның құны 100 миллион теңгеден асады. Қазір бұл дерек бойынша ҚР Қылмыстық кодексінің 297-бабы 3-бөлігі бойынша соталды тергеу басталды. Күдікті қамауға алынды. Қажет тергеу әрекеттері жүргізіліп жатыр. Жүргізілген сараптамаға сәйкес алынған зат - "мефедрон" синтетикалық препараты.
Қостанай облысында "Қарасора - 2023" жедел алдын-алу шарасы өткізіле бастағаннан бері 10 келіден аса түрлі есірткі құралдары тәркіленді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
