Қостанай облысында Рудный қаласының прокуроры ұсталды

Рудный прокуроры қылмыстық құқықбұзушылық жасады деген күдікпен ұсталды. Бұл туралы Бас прокуратураның баспасөз қызметі хабарлады, - деп хабарлайды Tengrinews.kz тілшісі.

Ведомство ақпаратына сәйкес, прокурорды ұстау ДҚКБ-мен бірлесіп жүргізілген.

"Қызметтік тәртіпбұзушылықтардың алдын алу мақсатында Қостанай облысы прокуратурасының ішкі қауіпсіздік бөлімшесі облыстық ҰҚКД-мен бірлесіп 2025 жылғы 28 қыркүйекте қылмыстық құқықбұзушылық жасады деген күдікпен Рудный қаласының прокурорын ұстады. Қазіргі уақытта қажетті тергеу әрекеттері жүргізіліп жатыр", - делінген хабарламада.

ҚІЖК-нің 201-бабына сәйкес өзге ақпарат жария етуге жатпайды.

Ашық дереккөздердегі мәлімет бойынша, Қостанай облысы Рудный қаласының прокуроры Мұрат Успанов. Ол бұл қызметке 2024 жылғы 6 қыркүйекте тағайындалған, оған дейін Қостанай облысының Арқалық қаласының прокуроры болған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!