+7 (777) 001 44 99
Қазақша
Русский
English
14 қаңтар 2020 08:51
Қостанайда мас күйде көлік тізгіндеген үш жүргізуші жазаланды
Қостанайда жаңа заң бойынша мас күйде көлік жүргізіп, ұсталған үш жүргізушіні соттады, - деп хабарлайды Tengrinews.kz тілшісі облыстық ПД баспасөз қызметіне сілтеме жасап.
ПОДЕЛИТЬСЯ
Қостанайда жаңа заң бойынша мас күйде көлік жүргізіп, ұсталған үш жүргізушіні соттады, - деп хабарлайды Tengrinews.kz тілшісі облыстық ПД баспасөз қызметіне сілтеме жасап.
Полиция мәліметінше, 12 қаңтарда Қостанайда Алтынсарин көшесінде полицейлері 34 жастағы жүргізушінің басқаруындағы Nissan Teana маркалы автокөлігін тоқтатқан. Жүргізушіден алкогольдің иісі сезілген. Медициналық куәландыру барысында жеңіл деңгейде мас болғанын көрсетті.
"2020 жылдың 13 қаңтарында Қостанай мамандандырылған әкімшілік соты жүргізушіні жеті жыл мерзімге көлік құралын басқару құқығынан айыру, сондай-ақ 15 тәулікке әкімшілік қамауға алу туралы шешім шығарды", - делінген хабарламада.
Сондай-ақ куәландырудан өтуден бас тартудың екі дерегі тіркелді. Сот жүргізушілерді көлік құралдарын жүргізу құқығынан сегіз жылға айыру туралы шешім қабылдап, оларды 15 тәулікке қамауға алу туралы шешім шығарды.
Айта кетейік, 11 қаңтарда жаңа заң күшіне енді, онда мас күйде көлік жүргізгені үшін жаза күшейетіні көрсетілген.
Показать комментарии
Читайте также
