Қостанайда полицияның көліктерді тінтуіне себеп болған ер адам ұсталды

Қостанай облысында полицейлер қарулы қарақшылық шабуыл жасаған ер адамды ұстады, - деп хабарлайды Tengrinews.kz тілшісі облыстық Полиция департаментінің баспасөз қызметіне сілтеме жасап.

Күдікті қамауға алынды. 24 ақпанда ер адам Қостанай облысындағы металл қабылдау пункттерінің біріне шабуыл жасап, қарумен қорқытып, 792 мың теңгені ұрлап, ізін суытқан.

"Оны ұстау үшін арнайы жоспар енгізілді, тінту ұйымдастырылды, оның ішінде көліктер тексерілді. Рудныйда күдіктіні ұстадық. Тапаншаға ұқсас зат, қолма-қол ақша және балаклава тәркіленді. Барлық қажетті тергеу әрекеттері жүргізіліп жатыр. Қаруға сараптама тағайындалды", - деді ПД криминалдық полиция басқармасының бастығы Юрий Полюхов.

Күдікті мүлкі тәркіленіп, 5 жылдан 10 жылға дейін бас бостандығынан айырылуы мүмкін.

ПД жолдың жабылуына байланысты туындаған қолайсыздықтарға түсінік танытқаны үшін тұрғындарға алғыс айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!