ҚТЖ мен Қазақтелеком “жұлдыздар тоғысса“ сатылуы мүмкін

"Самұрық-Қазына" АҚ басқарма төрағасы Нұрлан Жақыпов "Қазақтелеком", "Қазақстан темір жолы" (ҚТЖ) және QazaqGaz акцияларын сату мүмкіндігі туралы пікір білдірді, - деп хабарлайды Tengrinews.kz тілшісі.

Жақыповтың айтуынша, қордың бұл компаниялар капиталынан шығу мерзімдері тек нарық жағдайына байланысты болады.

"Барлығы нарықтық жағдайға байланысты. Нақты мерзімдерге қатысты айта алмаймын: бізде бекітілген жекешелендіру жоспары бар, сол жоспар аясында жұмыс істеп жатырмыз. Активті іске асыру бір жағынан күрделі іс-шара болса, екінші жағынан оны барынша тиімді бағаға сату қажет. Бұл – мемлекеттік актив, сондықтан мұнда көптеген сәттер сәйкес келуі қажет, яғни, "жұлдыздар тоғысуы" керек. Сонда ғана біз бәсекелі ортаға шығарып отырған активтер үшін оңтайлы баға болады", – деп түсіндірді "Самұрық-Қазына" басқарма төрағасы.

Бұған дейін премьер-министр Олжас Бектенов Мәжіліс депутаттарының сауалына берген жауабында "Самұрық-Қазына" ұлттық әл-ауқат қоры негізгі ұлттық компаниялар капиталына шығу мүмкіндігін қарастырып жатқанын айтқан еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!