“Күмән ұялату - менің жұмысым“. Вице-премьерге әріптестерінің табысы туралы сұрақ қойылды

Премьер-министрдің орынбасары - ұлттық экономика министрі Серік Жұманғариннен былтыр мемлекеттік қызметшілердің қайсы табыс декларациясын тапсырмағаны сұралды. Шенеунік әріптестерінің "әмиянының жағдайы" туралы есеп бермейтінін мәлімдеді, - деп хабарлайды Tengrinews.kz.

"Қыстағы соңғы кездесуімізде сіз өз декларацияңызға қатысты, кейбір әріптестеріңізге қарағанда оны жариялағаныңызды айтып қалған едіңіз. Ал әріптестеріңіздің ішінде кімнің жарияламағаны туралы мәлімет бар ма? Сіз, мүмкін, бұл мәліметдерді құқық қорғау органдарына берген шығарсыз?" - деп сұрады журналист.

Жұманғарин бұл туралы қандай мақсатпен сұрап жатқанын білгісі келіп, сұралған ақпараттың дербес дерек екенін атап өтті. Вице-премьердің пікірінше, оның мұндай мәліметтерді жариялауға құқығы жоқ.

"Мұны сізге ашуға құқығы бар адам емеспін деп ойлаймын, сіз де біреу туралы сұрауға құқығы бар адам емессіз. Оны тиісті органнан ресми түрде сұраңыз. Мүмкін, сізге біреу жауап берер. Мен бұл брифингте сәл басқа мақсаттарды көздеп отырмын", - деп жауап берді Серік Жұманғарин.

Бұған журналист шенеунік өткен жолы декларацияларды жариялау мәселесіне қатысты пікір білдіргенде "күмән ұялатқанын" айтты.

"Күмән ұялату - менің жұмысым. Бірақ мен сізге әріптестерімнің әмиянының жағдайы туралы баяндаймын деп айтқан жоқпын. Басқа дереккөздер табыңыз. Қаласаңыз, журналистік зерттеу жүргізіңіз", - деді Жұманғарин.

Еске сала кетейік: өткен жылдың соңында министрліктер мен Парламенттің ресми сайттары 2024 жылға арналған декларацияларды жариялады. Шенеуніктердің қайсы қосымша табыстарын ашқаны және онда қандай сомалар көрсетілгені туралы толығырақ мына сілтеме арқылы оқи аласыз.