Қырғызстан президенті Жапаров Астанаға ұшып келді

Қырғызстан президенті Садыр Жапаров "Орталық Азия-Қытай" саммитіне қатысу үшін Астанаға келді, - деп хабарлайды Tengrinews.kz тілшісі.

Саммит жұмысына Орталық Азия мемлекеттерінің басшылары, сондай-ақ, Қытай төрағасы қатысады деп жоспарланып отыр.

Саммит Орталық Азия елдері мен Қытай арасындағы өзара іс-қимыл бойынша пікір алмасуға бағытталған.

Еске салайық, 16 маусымда Президент Қасым Жомарт Тоқаев Ақорда резиденциясында Қытай Халық Республикасының төрағасы Си Цзиньпинді қарсы алды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!