Қыста көлікті қажет болмаса да қыздырып қою қаупі аталды

Автосарапшы қыс мезгілінде көлікті қажет болмаса да қыздырып қою қаупін атады, - деп хабарлайды Tengrinews.kz тілшісі Avtonovostidnya.ru сайтына сілтеме жасап.

Кейбір жүргізушілердің ешқайда бармаса да, қыста көлігін қыздырып қою әдеті бар. Дегенмен, бұл қозғалтқыш майы сапасының нашарлауына, кейін қозғалтқышта ақаулардың пайда болуына әкелуі мүмкін. Бұл туралы автокөліктер маркетплейсі қызметтері бойынша сарапшы Александр Носко айтты.

"Көлік қызған кезде картердің желдету жүйесінің жоғарғы саңылауларында конденсат пайда болады, ал егер қозғалтқыш жұмысын қысқа уақыттан кейін тоқтатсаңыз, түтіктер қабырғасында ылғал пайда болады, ол суықта мұзға айналады. Немесе мотор майымен араласып, оның сапасын нашарлатып, сұйықтатады", - деді ол.

Қозғалтқышқа түскеннен кейін бұл эмульсия оны бұзу процесін бастауы мүмкін, бұл ақыр соңында күш құрылымына елеулі зақым келтіруі және оны күрделі қалпына келтіру қажеттілігін тудыруы мүмкін.

"Сондықтан, жақын арада көлікті пайдалану қажеті болмаса, оны қыздырмағаныңыз жөн", - деп кеңес берді Александр Носко.

Сілтемесіз жаңалық оқисыз ба? Онда Telegram желісінде парақшамызға тіркеліңіз!