+7 (777) 001 44 99
Қазақша
Русский
English
11 мамыр 2023 08:48
Қызылорда облысында балабақша ғимаратында азық-түлік дүкені жұмыс істеген
Қызылорда облысында балабақша ғимаратында азық-түлік дүкені жұмыс істегені анықталды, - деп хабарлайды Tengrinews.kz тілшісі.
ПОДЕЛИТЬСЯ
Қызылорда облысында балабақша ғимаратында азық-түлік дүкені жұмыс істегені анықталды, - деп хабарлайды Tengrinews.kz тілшісі.
Балабақшадағы дүкен Қызылорда облысының аудандарының бірінде жұмыс істеген. Оны кәсіпкер ашқан. Жергілікті тұрғынның арызынан кейін балабақшада тексеру жүргізілді. Жекеменшік балабақша иесіне 793 500 теңге айыппұл салынғаны хабарланды.
Қызылорда облысы Жалағаш ауданы Аққыр ауылдық округіндегі балабақша әрқайсысы 20 балаға есептелген екі ғимараттан тұрады. "Әділдік жолы" қоғамдық бірлестігі филиалының меңгерушісі Ләззат Бақтыбаеваның айтуынша, шағым негізінде балабақшаға мониторинг жүргізілген.
"Осы мектепке дейінгі мекемеде жүргізілген мониторинг барысында мен бір ғимаратта балалар барын анықтадым, ал екіншісінде тұрғын үй мен дүкен болды. Бірақ кейінірек санитарлық мекеме қызметкерлері және эпидемиологиялық бақылау бөлімі өкілдері тексеруге келгенде, дүкен орналасқан ғимараттың бір бөлмесінде балалардың отырғанын, ал екінші бөлігінде азық-түлік дүкені бары анықталды", - деді Бақтыбаева.
Бұл заңбұзушылықтардан кейін "Әділдік жолы" қоғамдық бірлестігі филиалының басшысы Жалағаш аудандық санитарлық-эпидемиологиялық бақылау басқармасына, экономикалық тергеу бөліміне және Қызылорда облысының білім басқармасына хаттар жолдады.
"Жалағаш аудандық санитарлық-эпидемиологиялық бақылау департаменті өкілдері кәсіпкерге 793 500 теңге айыппұл салды. Экономикалық тергеу департаменті Қызылорда қалалық ішкі мемлекеттік аудит департаментіне хат жолдап, тексеру басталды, департамент тарапынан мониторинг тобы құрылды. Өңірдегі білім саласы мен балабақшалар бақылауда", - деді "Әділдік жолы" қоғамдық бірлестігі филиалының басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
