+7 (777) 001 44 99
Қазақша
Русский
English
26 қазан 2021 | 11:01
Қызылорда облысының тұрғындары көпір құрылысын жиырма жылдан бері күтіп жүр
Қызылорда облысы Қазалы ауданына қарасты он ауыл округінің тұрғындары Сырдария өзені арқылы өтетін жаңа көпірдің құрылысын күтіп жүргеніне жиырма жылға жуықтапты. Ауыл тұрғындары осы жылдар бойы арғы бетке "Карлан" понтондық паромы арқылы өтіп жүр, бірақ оның қыста қатып қалу, жазда судың аздығы, көктемде су тасқыны сияқты өз қиындықтары бар, - деп хабарлайды Tengrinews.kz тілшісі "Хабар 24" арнасына сілтеме жасап.
ПОДЕЛИТЬСЯ
Қызылорда облысы Қазалы ауданына қарасты он ауыл округінің тұрғындары Сырдария өзені арқылы өтетін жаңа көпірдің құрылысын күтіп жүргеніне жиырма жылға жуықтапты. Ауыл тұрғындары осы жылдар бойы арғы бетке "Карлан" понтондық паромы арқылы өтіп жүр, бірақ оның қыста қатып қалу, жазда судың аздығы, көктемде су тасқыны сияқты өз қиындықтары бар, - деп хабарлайды Tengrinews.kz тілшісі "Хабар 24" арнасына сілтеме жасап.
Өзен Қазалы ауданын екіге бөледі. Бір жағында әкімшілік орталық, жұмыс орындары мен ауруханалар, екінші жағында – егістік алқап және туристер көп келетін көне Жанкент қаласы бар.
Телеарна нақтылағандай, понтондық паром қарама-қарсы жағалаумен байланыстыратын жалғыз байланыс. Айналма жолмен бару 120 шақырым. Қысқасы, понтон арқылы өту қымбат әрі қауіпті.
Жергілікті билік бұл мәселені бірнеше жыл бойы шешуге тырысқанымен, енді ғана іске кірісіп жатыр. Жаңа автокөпір құрылысына мемлекет 4 млрд теңге бөледі.
"Нысанның жалпы ұзындығы шамамен 2,5 шақырымды құрайды. Өткел екі жолақты болады. Жобада жаяу жүргіншілерге арналған тротуар да қарастырылған. Қазір мердігер компания анықталып жатыр. Құрылыс жұмыстары келесі жылы басталады", - деді Қазалы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің бастығы Мұрат Әбсұлтанов.
Сілтемесіз жаңалықба? Онда Telegram желісінде парақшамызға тіркеліңіз!
Показать комментарии
Читайте также
