+7 (777) 001 44 99
Қазақша
Русский
English
15 ақпан 2022 | 13:06
Қызылордадағы мектеп-лицейде миллиард теңгенің проблемасы анықталды
Қызылордадағы №282 мектеп-лицейдің ата-аналары жұмыс істемейтін лифтіге қатысты "Әділдік жолы" РҚБ Қызылорда филиалына шағым жасады. Филиал басшысы Ләззат Бақтыбаева мониторинг жүргізді. Бұл тексеру нәтижесінде мектептегі бір ғана заңсыздық дерегі емес екені белгілі болды, - деп хабарлайды Tengrinews.kz тілшісі.
ПОДЕЛИТЬСЯ
Қызылордадағы №282 мектеп-лицейдің ата-аналары жұмыс істемейтін лифтіге қатысты "Әділдік жолы" РҚБ Қызылорда филиалына шағым жасады. Филиал басшысы Ләззат Бақтыбаева мониторинг жүргізді. Бұл тексеру нәтижесінде мектептегі бір ғана заңсыздық дерегі емес екені белгілі болды, - деп хабарлайды Tengrinews.kz тілшісі.
Облыс орталығындағы КБИ шағынауданындағы 600 орындық №282 мектеп-лицейі 2020 жылы пайдалануға берілген. Оның құрылысына 974 миллион 400 мың теңге бөлінген. Оқу орны жаңа болса да, лифт жұмыс істемейді, ойын алаңы стандарттарға сай емес.
"Жоба бойынша кәсіби футбол қақпалары, балалар төбешіктері, әткеншектер қарастырылған, бірақ олар темірден жасалған және жай ғана дәнекерленіп қойылған. Сондай-ақ, мүмкіндігі шектеулі балалардың еркін жүріп-тұруы жоспарланған, бірақ ол да жоқ. Барлық жерде кедергі бар", - дейді "Әділдік жолы" РҚБ Қызылорда филиалының жетекшісі Ләззат Бақтыбаева.
Жеке тақырып - лифт. Ол мүгедек балаларға арналған, бірақ оны іске қоса алмайды, өйткені құжаттары жоқ.
"Басқа да заңбұзушылықтарды анықтадық. Мысалы, мектеп 24 графопроектор, құны 6 миллион 898 мың 430 мың теңге болатын 5 лингафон жиынтығын сатып алған. Бірақ кабинетте тек орындықтары бар үстелдер мен құлаққаптар тұр. Сондай-ақ, балаларды маймен қамтамасыз ету үшін 715875 теңгеге майбөлгіш сатып алынған. Бұл мектеп үшін қаншалықты қажет?" - деді Ләззат Бақтыбаева.
Мектеп директорының міндетін уақытша атқарушы Болат Шораев бұл лауазымды екі күн атқарғанын, барлық анықталған заңбұзушылық жойылатынын айтты.
"Талқылау барысында мердігер компания өкілі биыл қарашада аяқталатын кепілдік мерзімі ішінде заңбұзушылықтарды жоятынына сендірді. Барлығы заң аясында жүргізіледі", - деді директор.
Қызылорда облысының құрылыс басқармасы өкілі мектеп-лицейді қабылдау кезінде барлығы келісім аясында болғанын айтты.
"Нысанды қабылдауды төрт құзыретті орган жүзеге асырады (тапсырыс беруші - Қызылорда облысының құрылыс басқармасы, мердігер "Ария Жаңа Астана", техникалық қадағалау, авторлық қадағалау). Олардың қорытындысы бойынша нысан қабылданды. Лифт жұмыс істейді, бірақ пайдалану үшін рұқсат құжаттары қажет. Оларды мектеп басшылығы әлі қабылдаған жоқ", - деп түсіндірді басқарма өкілі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
