LRT Қосшыға дейін созылады

Астанадағы LRT-ның келесі тармағы Қосшы бағытына қарай жүргізіледі. Бұл туралы елорда әкімі Жеңіс Қасымбек айтты, - деп хабарлайды Tengrinews.kz тілшісі.

Әкімнің айтуынша, күн сайын Қосшыдан Астанаға 15-тен 20 мыңға дейін автомобиль кіреді, бұл қала жолдарына үлкен жүктеме түсіреді.

"Қосшы қарқынды дамып келеді, ол - Астанаға көмектесіп отырған ірі серіктес қала. Сондықтан Қосшы мен Астана арасында белсенді қатынас бар, келесі кезеңді осы бағытта салуды жоспарлап отырмыз", - деді әкім.

Қасымбектің айтуынша, бұл жобаның екінші кезеңнің бір тармағы ғана. Екінші тармағы Сығанақ көшесі арқылы Тұранға, әрі қарай қаланың ескі бөлігіне – ескі теміржол вокзалына дейін өтеді. Қосшыға баратын бөлігін бір жарым жыл ішінде аяқтау жоспарланып отыр.

Сондай-ақ, әкім Қосшы бағытына қарай жүретін желінің бір бөлігі жер үстімен өтетінін айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!