+7 (777) 001 44 99
Қазақша
Русский
English
23 сәуір 2022 | 14:02
Мәжіліс депутаты Берік Бекжанов: Жалған көлік нөмірін қолданғандарға жауапкершілікті күшейту керек
Бүгін Шымкент қаласында ішкі істер саласын жетілдіру мәселесі талқыланды. Отырысқа ішкі істер министрі Марат Ахметжанов, Мәжіліс депутаты Берік Бекжанов, қала әкімі Мұрат Әйтенов пен құқық қорғау органдарының басшылары мен мәслихат депутаттары қатысты, - деп хабарлайды Tengrinews.kz тілшісі Мәжілістің баспасөз қызметіне сілтеме жасап.
ПОДЕЛИТЬСЯ
Бүгін Шымкент қаласында ішкі істер саласын жетілдіру мәселесі талқыланды. Отырысқа ішкі істер министрі Марат Ахметжанов, Мәжіліс депутаты Берік Бекжанов, қала әкімі Мұрат Әйтенов пен құқық қорғау органдарының басшылары мен мәслихат депутаттары қатысты, - деп хабарлайды Tengrinews.kz тілшісі Мәжілістің баспасөз қызметіне сілтеме жасап.
Отырыста Берік Бекжанов елімізде мемлекеттiк тiркеу нөмiрi жоқ немесе көлік құралына жалған, қолдан жасалған нөмiрлерді пайдалану арқылы көлік жүргізу фактілері кең етек алғанына назар аударды.
"Мемлекет басшысы Қасым-Жомарт Тоқаев көлік нөмірін қолдан жасау немесе жалған нөмір пайдалану бойынша жауапкершілікті күшейтуді тапсырды. Біз ең алдымен халықтың талап-тілегін орындап, осындай бұзақылықпен күресуіміз керек. Бүгінгі таңда мұндай заң бұзушылықтарға "Әкімшілік құқықбұзушылықтар туралы" және қылмыстық кодекстерде бірқатар жаза қарастырылған. Алайда жауапкершіліктің жұмсақтығы халық арасында алаңдатушылық туғызып отыр. Осыған орай қазіргі таңда Мәжілісте осы заң жобаларындағы нормалар қайта қаралып, жауапкершілік күшейтілуде. Өйткені заңсыз нөмірмен немесе мүлдем нөмірсіз көлік жүргізу ауыр қылмыс жасауға апаруы мүмкін", - деді Мәжіліс депутаты.
Мемлекет басшысы Қасым-Жомарт Кемелұлы Тоқаев Жолдауында заң үстемдегін орнатуға баса назар аударды. Осы орайда депутаттар құқық қорғау органдарының қызметін жетілдіруге және жол көлік оқиғаларын алдын алу үшін заңды қатаңдатуға ерекше мән беруде.
Атап айтатын болсақ, "Әкімшілік құқықбұзушылықтар туралы" Кодексте заңсыз мемлекеттiк тiркеу нөмiрiн қолданғандарға бес айлық есептiк көрсеткiштен (15 315 тг) төрт жүз (1 225 200 тг) айлық есептiк көрсеткiш мөлшерiнде айыппұл салынады.
Ал Қылмыстық кодексте көлік нөмірін қолдан жасау немесе жалған нөмір пайдалануға екі мың айлық есептік көрсеткішке (6 126 000 тг) дейінгі мөлшерде айыппұл салу немесе екі жылға дейінгі мерзімге бас бостандығын шектеу қарастырылған.
Айта кетейік, Бас прокуратураның мәліметіне сәйкес, аталған фактілер бойынша 2022 жылдың I тоқсанында барлығы 73 124 құқықбұзушылық тіркеліп, 72 628 факт бойынша әкімшілік айыппұл салынып, 16 жүргізуші жүргізуші куәлігінен айрылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
