Мәжіліс төрағасы Парламент палаталарының бірлескен отырысын шақырды

Мәжіліс төрағасы Ерлан Қошанов Парламент палаталарының бірлескен отырысын шақырды, - деп хабарлайды Tengrinews.kz тілшісі.

Мәжілістің баспасөз қызметі мәліметінше, бірлескен отырыс 21 маусымда, жұма күні сағат 10:00-де өтеді.

"Қазақстан Республикасы Конституциясының 58-бабы 4-тармағы 2-тармақшасына сәйкес Парламент Палаталарының бірлескен отырысы 2024 жылғы 21 маусымда сағат 10.00-де Астанада шақырылсын", - делінген бұйрықтың мәтінінде.

Осы саяси маусымдағы соңғы бірлескен отырыстардың бірінде Мәжіліс пен Сенат депутаттары Үкіметтің 2023 жылғы республикалық бюджеттің атқарылуы туралы есебін қарайды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!